பூப்பந்து

நீலக் கோளம் சுழல்கிறது
நமது பூம்பந்து அதுவாகும்
கோல நீலம் பச்சையுடன்
கூத்து ஆடிச் சுழல்வதைப்பார்

மரஞ் செடிகொடி உயிரினங்கள்
மனிதர் மாண்புறு செயல்வகைகள்
உரஞ்சேர் நீரவளம் உளவளங்கள்
உள்ளது சொர்க்கம் பூமிதான்

நீரும் நிலமும் ஒளிர்கிறது
நலமே வளிமேகம் வலம்வருது
நீரேன் கீழே வழியவில்லை
நிலமும் சரிந்து சொரியவில்லை?

மரத்தில் காய்க்கும் காய்பழங்கள்
வந்து விழுவது நிலத்திலன்றோ?
உரத்த சிந்தனை புவியீர்ப்பு
ஐசாக் நியூட்டன் கண்டுசொன்னார்.

எத்தனை அற்புதம்?

ஆயிரம் கோடி பால்வெளிகள்
அண்டம் சூழ்ந்து பரந்துளது
ஆயிரம் கோடி உடுக்கோலம்
ஆகா எத்தனை அற்புதகங்கள்.

எப்படி இத்தனை ரகசியங்கள்
எங்கும் பரந்து கிடக்கிறது
இப்படி இவற்றை வைத்ததுயார்
எல்லாம் இயங்கச் செய்ததுயார்?

வண்ண வண்ண நிறங்களிலே
வானை அழகு செய்வதைப்பார்
கண்ணைக் கவரும் புள்ளிகளாய்
காட்சி தருவது உடுக்களாம்பார்.

அத்தனை உடுக்களும் சுழல்வதைப்பார்
அதனதன் வழியில் செல்வதைப்பார்
எத்தனை அற்புதம் வானில் வைத்தான்
எங்கள் இறைவன் அறிவில்வல்லோன்.

எத்தனை அற்புதம்?

ஆயிரம் கோடி பால்வெளிகள்
அண்டம் சூழ்ந்து பரந்துளது
ஆயிரம் கோடி உடுக்கோலம்
ஆகா எத்தனை அற்புதகங்கள்.

எப்படி இத்தனை ரகசியங்கள்
எங்கும் பரந்து கிடக்கிறது
இப்படி இவற்றை வைத்ததுயார்
எல்லாம் இயங்கச் செய்ததுயார்?

வண்ண வண்ண நிறங்களிலே
வானை அழகு செய்வதைப்பார்
கண்ணைக் கவரும் புள்ளிகளாய்
காட்சி தருவது உடுக்களாம்பார்.

அத்தனை உடுக்களும் சுழல்வதைப்பார்
அதனதன் வழியில் செல்வதைப்பார்
எத்தனை அற்புதம் வானில் வைத்தான்
எங்கள் இறைவன் அறிவில்வல்லோன்.

அறிவுக் காட்சி

நீல வான வீதியைப் பார்
நிகழும் விந்தைக் கோலம் பார்
காலை நேரச் சூரியன்தான்
காட்டும் அழகு பார்தம்பி

சிவந்த சூரியக் கோளம்பார்
சூழும் மேகக் கூட்டம்பார்
கவரும் வண்ண உருவம்பார்
காணும் காட்சி அற்புதங்கள்.

கடலாய் வானம் விரிந்திருக்கும்
கப்பல் தீவுகள் வாகனங்கள்
படகுப் பல்வகைத் தொடரணிகள்
பாய்சுறா வாளை மீன்தெரியும்.

மாலை நேர வானைப்பார்
வண்ண நிலவின் ஒளியைப்பார்
கோலம் வானம் போடுவதைக்
காண நிலவில் பயணஞ்செய்.

விண்ணில் விண்கலம்.

பறவைக் கூட்டம் போல்நாங்கள்
பறந்து வானில் பறக்கின்றோம்
உறைதான் நமது விண்கலமாம்
விழிப்பாய் இருங்கள் பயம்வேண்டாம்.

படுத்து நிமிர்ந்து உலாவரலாம்
பாடிக் கொண்டும் பேசிடலாம்.
திடமாய்ச் சொல்வதைக் கவனித்துச்
செயற்பட வேண்டும் கவனியுங்கள்.

பாடிப் பறந்து போகின்றோம்
பார்க்கு மிடமெலாம் அழகுமயம்
ஓடிப் போகுது மேகமெலாம்
உயரப் பறந்து போகின்றோம்

பூமிப் பந்தைக் காணவில்லை
புதிதாய் புள்ளியாய் தெரிகிறது
நாமிப் போது விண்வெளியில்
நலமாய் வலமாய் வருகின்றோம்.

வான் வீதிப்பயணம்