பூப்பந்து

நீலக் கோளம் சுழல்கிறது
நமது பூம்பந்து அதுவாகும்
கோல நீலம் பச்சையுடன்
கூத்து ஆடிச் சுழல்வதைப்பார்

மரஞ் செடிகொடி உயிரினங்கள்
மனிதர் மாண்புறு செயல்வகைகள்
உரஞ்சேர் நீரவளம் உளவளங்கள்
உள்ளது சொர்க்கம் பூமிதான்

நீரும் நிலமும் ஒளிர்கிறது
நலமே வளிமேகம் வலம்வருது
நீரேன் கீழே வழியவில்லை
நிலமும் சரிந்து சொரியவில்லை?

மரத்தில் காய்க்கும் காய்பழங்கள்
வந்து விழுவது நிலத்திலன்றோ?
உரத்த சிந்தனை புவியீர்ப்பு
ஐசாக் நியூட்டன் கண்டுசொன்னார்.